នាព្រឹកថ្ងៃទី២០ ខែតុលា ឆ្នាំ២០២៥
ឯកឧត្តម អ៊ុន វណ្ណា តំណាងក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញគោរពវិញ្ញាណក្ខន្ធ និងចូលរួមរំលែកមរណទុក្ខដល់ក្រុមគ្រួសារនៃសព លោក សុខ គ្រឿន សមាជិកក្រុមប្រឹក្សាឃុំព្រៃផ្ដៅ ស្រុកព្រៃកប្បាស ខេត្តតាកែវ ដែលបានទទួលមរណភាពកាលពីរសៀលថ្ងៃទី១៩ ខែតុលា ឆ្នាំ២០២៥ ដោយរោគាពាធ នៅភូមិព្រៃផ្ដៅខាងត្បូង ឃុំព្រៃផ្តៅ ស្រុកព្រៃកប្បាស ខេត្តតាកែវ។
ក្នុងនាមតំណាងឱ្យក្រុមសមាជិកព្រឹទ្ធសភាប្រចាំភូមិភាគទី៥ ឯកឧត្តម បាននាំយកបច្ច័យចូលបុណ្យសពសរុបចំនួន១,០០០,០០០៛ ក្នុងនោះថវិកាក្រុម ចំនួន៥០០,០០០៛ ថវិកាផ្ទាល់របស់ឯកឧត្តម ឈួន ឆាម អនុប្រធានក្រុមសមាជិកព្រឹទ្ធសភាប្រចាំភូមិភាគទី៥ ចំនួន២០០,០០០៛ និងថវិកាផ្ទាល់របស់ឯកឧត្តម អ៊ុន វណ្ណា រួមជាមួយក្រុមការងារខេត្តតាកែវចុះមូលដ្ឋានឃុំព្រៃផ្តៅ ស្រុកព្រៃកប្បាស ចំនួន៣០០,០០០៛ផងដែរ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
